मिटरब्याज पीडितहरू हिँडेरै पुगे प्रधानमन्त्री निवास बालुवाटार

काठमाडौं । प्रधानमन्त्री पुष्पकमल दाहाल प्रचण्डसँग छलफलको लागि मिटरब्याज पीडितहरु बालुवाटार पुगेका छन् । आज प्रधानमन्त्रीले छलफलको लागि बोलाएपछि पीडितहरू हिँडेरै बालुवाटार पुगेका हुन् ।

प्रधानमन्त्री निवास प्रवेश गर्दा पनि उनीहरूले मिटरब्याजी पीडितलाई न्याय देऊ भन्दै नाराबाजी गरेका थिए ।आन्दोलनरत पीडितसँग सरकारले वार्ता समिति गठन गरेर वार्ता पनि गरिरहेको छ ।

पीडितले १० बुँदे माग राखेका छन् । ती मागबारे बालुवाटारमा छलफल हुने प्रधानमन्त्रीको सचिवालयले जानकारी दिएको छ ।

यसअघि गृहमन्त्री नारायणकाजी श्रेष्ठले पनि मिटरब्याज पीडितको समस्या समाधानका लागि आयोग गठन गर्ने निर्णय गरेका थिए । मिटरब्याज पीडितहरु केही दिनदेखि काठमाडौंमा विरोध प्रदर्शन गरिरहेका छन् ।