फेरिए जाजरकोट र अर्घाखाँचीको सीडीओ

काठमाडौं । गृह मन्त्रालयले केही जिल्लाका प्रमुख जिल्ला अधिकारी (सीडीओ) को सरुवा गरेको छ ।

मन्त्रालय स्रोतका अनुसार अर्घाखाँचीका प्रमुख जिल्ला अधिकारी (सीडीओ) विजयराज पौडेललाई  रुपन्देहीको सहायक सीडीओमा सरुवा गरिएको छ भने अर्घाखाँचीको सीडीओमा गृह मन्त्रालयका विष्णु पौडेललाई पठाइएको छ ।

चन्द्रनिगाहपुर इलाका प्रशासनका चेतराज बराललाई जाजरकोटको सीडीओ बनाई पठाइएको छ भने जाजरकोटका जनकराज पन्त गृह मन्त्रालयमा तानिएका छन् ।

बरालको ठाउँमा इलामका सहायक सीडीओ डोलेन्द्र निरौलालाई खटाएको छ ।

पछिल्लो समय कोरोनाको संक्रमण फैलिएको अवस्थामा कामको मूल्यांकन गर्दै सीडीओ फेर्ने क्रम जारी छ ।