माओवादी घटकको भोलि संयुक्त पत्रकार सम्मेलन

काठमाडौं । आठ माओवादी घटकले संयुक्त पत्रकार सम्मेलन गर्ने भएका छन् । शनिबार विज्ञप्ति सार्वजनिक गर्दै नेकपा माओवादी केन्द्र पार्टी केन्द्रीय कार्यालयका मुख्य सचिव श्रीराम ढकालले संयुक्त पत्रकार सम्मेलनबारे जानकारी दिएका हुन् ।

मुख्य सचिव ढकालका अनुसार आइतबार दिउँसो २ बजे प्रज्ञा भवन कमलादीमा आठ दलले संयुक्त पत्रकार सम्मेलन गर्न लागेका हुन् ।

द्वन्द्वकालीन मुद्दाको विषयमा आधिकारिक धारणा सार्वजनिक गर्नेगरी माओवादी घटकका नेताहरु एकजुट भएका छन् । सर्वोच्च अदालतले प्रधानमन्त्री पुष्पकमल दाहाल प्रचण्डलाई विपक्षी बनाएर दायर गरेको रिटको सुनुवाइ गर्दै शुक्रबार १५ दिनभित्र लिखित जवाफ पेश गर्न भनेको छ ।