मोटरसाइकल दुर्घटना हुँदा दुई जना मृत्यु

काठमाडौं । धनुषामा मोटरसाइकल दुर्घटना हुँदा दुई जनाको ज्यान गएको छ । मोटरसाइकल चालक धनुषाको बटेश्वर गाउँपालिका-१ विजयपुरका ४० वर्षीय विनोद महतो र अर्का एक सडक मानवको मृत्यु भएको प्रहरीले जनाएको छ ।

गएराति पूर्वपश्चिम राजमार्गअन्तर्गत धनुषाको मिथिला नगरपालिका-१० लालगढमा बर्दिबासतर्फबाट आउँदै गरेको प्रदेश २-००२-०३ प ७७४३ नम्बरको मोटरसाइकल सडक मानवसँग ठोक्किएको थियो ।

दुर्घटनामा गम्भीर घाइते भएका अपरिचित सडक मानवको उपचारको क्रममा प्रादेशिक अस्पताल जनकपुरमा मृत्यु भएको हो । मोटरसाइकल चालक महतोको भने थप उपचारको लागि काठमाडौं लैजाँदै गर्दा आज बिहान बाटोमै मृत्यु भएको प्रहरीले जनाएको छ ।