सप्तरीमा मोटरसाइकल दुर्घटना हुँदा एक जनाको मृत्यु

काठमाडौं । सप्तरीमा मोटरसाइकल दुर्घटना हुँदा एक जनाको मृत्यु भएको छ । आज मोटरसाइकल चालक बलान बिहुल गाउँपालिका(४ वेल्हीका ५५ वर्षीय विशो मण्डलको मृत्यु भएको हो ।

हुलाकी सडक खण्डमा पश्चिमबाट पूर्वतर्फ आउँदै गरेको बिआर ३२ वाई ६०५७ नम्बरको मोटरसाइकल आनियन्त्रित भई पोलमा ठोक्किएर दुर्घटना भएको सप्तरीका एसपी नरेन्द्र कुमार कार्कीले जानकारी दिएका छन् ।

गम्भीर घाइते भएका मण्डलको उपचारका क्रममा जिवन ज्योति अस्पतालमा मृत्यु भएको प्रहरीले जनाएको छ । सोही मोटरसाइकलमा सवार सोही ठाउँका राम लोचन शर्माको १८ वर्षिय छोरा कमलेश कुमार शर्मा घाइते भएका छन् ।

उनको जिवन ज्योति अस्पताल बोदेबर्साइन सप्तरीमा उपचार भइरहेको छ । घटनाको थप अनुसन्धान भइरहेको प्रहरीले जनाएको छ ।