सुनको मूल्यमा आज सामान्य गिरावट, चाँदीको कति ?

काठमाडौँ। नेपाली बजारमा आज मंगलबार सुनको मूल्यमा सामान्य गिरावट आएको छ । अघिल्लो दिन सोमबार स्थिर रहेको सुनको मूल्य आज मंगलबार भने घटेको हो।

नेपाल सुनचाँदी व्यवसायी महासंघका अनुसार सोमबार तोलामा १ लाख ३ हजार २०० रुपैयाँमा कारोबार भएको छापावाल सुनको मूल्य मंगलबार घटेर १ लाख ३ हजार रुपैयाँमा कारोबार भएको हो । जसअनुसार आज सुनको मूल्य तोलामा २ सय रुपैँयाले घटेको हो।

यस्तै तेजावी सुन मंगलबार १ लाख २ हजार ५०० रुपैयाँमा कारोबार भएको छ ।

यसैबीच चाँदीको मूल्य भने आज स्थिर रहेको छ। सोमबार तोलामा १२९० रुपैयाँमा कारोबार भएको चाँदीको मूल्य मंगलबार पनि सोही मूल्यमा कारोबार भएको महासंघले जनाएको छ ।