अनेरास्ववियूको अध्यक्षमा बडाल र महासचिवमा रोकाया निर्वाचित

काठमाडौं । नेकपा (एमाले)निकट विद्यार्थी संगठन अनेरास्ववियूको २३ औ महाधिवेशनबाट अध्यक्षमा समिक बडाल र महासचिवमा नरोश रोकाय निर्वाचित भएका छन् । बडाल दोब्बर भन्दा बढी मतले निर्वाचित भएका छन् । उनले ९ सय ६२ मत पाएका छन् । उनका प्रतिस्पर्धी आरसी लामिछानेले ३ सय ५६ मत प्राप्त गरेका छन् ।

अध्यक्षका तेस्रा प्रत्यासी लोकेश निरौलाले १ सय १३ मत पाएका छन् । चौथा अध्यक्षका उम्मेदवार मोति विकले ७८ मतमात्रै प्राप्त गर्न सफल भएका छन् । फागुन २ बाट सुरु भएको महाधिवेशनमा बिहीबार राति मतदान भएको थियो । १ हजार ५ १७ मत खसेको थियो । महासचिवमा निर्वाचित नरेश रोकायाले ७ सय ३३ मत ल्याएका छन् । उनले भास्कर खनाललाई पराजीत गरेका हुन् ।

त्यसैगरी अनेरास्ववियूका ४ उपाध्यक्षमा गोविन्द गिरी, धर्म गिरी, नारायण घर्ती र मर्यादा बिष्ट निर्वाचित भएका छन् । सचिवमा संजीव धिताल, सुजन कडरिया, प्रकाश पौडेल, दिपेश प्रसाई, अन्जना शिवाकोटी, आरती भट्टराई र विनिता काफ्ले बिजयी भएका छन् । कोषाध्यक्षमा संगम अर्याल निर्वाचित भएका छन् ।