काठमाडाैं । नेपाल राष्ट्र बैंकले चालु आर्थिक वर्ष २०७८/७९ को मौद्रिक नीति सार्वजनिक गरेको छ ।
गभर्नर महाप्रसाद अधिकारीले शुक्रवार अपराह्न सार्वजनिक गरेको मौद्रिक नीतिमा कोरोनालक्षित पुनरुत्थान प्याकेजका साथै अन्य विभिन्न विषयवस्तुहरू समेटिएका छन् ।
राष्ट्र बैंकले विद्युतीय भुक्तानीलाई प्राथमिकता दिने भएको छ भने बैंक तथा वित्तीय संस्थाहरूलाई मर्जरमा जाँदा विशेष सुविधाहरू उपलब्ध हुने भएका छन् ।
मौद्रिक नीतिमार्फत राष्ट्र बैंकले चालू आर्थिक वर्ष २०७८/७९ मा उपभोक्ता मुद्रास्फीति ६.५० प्रतिशतमा सीमित गर्ने लक्ष्य राखेको छ ।
साथै बैंक तथा वित्तीय संस्थाले कायम गर्नुपर्ने अनिवार्य नगद अनुपात ३ प्रतिशत रहने व्यवस्था विद्यमान राखिएको छ ।