पार्टीहित विपरीत गतिविधि गरेकाे भन्दै नेपाल पक्षका तीन नेता पार्टीबाट निष्कासित

बुटवल । पार्टी हित विपरीत गतिविधि गरेकाे भन्दै नेपाल पक्षका तीन नेता पार्टीबाट निष्कासित भएका छन् ।

नेकपा एमालेले समानान्तर जिल्ला कमिटी गठन गर्न नेतृत्व गरेका माधव नेपाल पक्षका तीन नेता सचिवालय सदस्य रामबहादुर चौहान,संविधान सभाका सदस्य तथा पार्टी संगठित सदस्य डा. दुमनसिंह थापा र सिद्धिप्रसाद भुसाललाई पार्टीबाट निष्कासन गरिएकाे छ ।

जिल्ला कार्यालय सन्धिखर्कमा सोमबार बसेको बैठकले पार्टी हित विपरीत विभाजनकारी गतिविधिमा संलग्न रहेको भन्दै तीनैजनालाई पार्टीको संगठित सदस्यता समेत नरहने गरी पार्टीबाट निष्कासन गर्ने निर्णय गरेको स्रोतले बताएकाे छ ।चौहान एमालेका तत्कालीन जिल्ला सचिव थिए । ।