एमाले विवाद मिल्ने भन्दा बल्झिने तर्फ

काठमाडौं । नेकपा एमाले विवाद झनै जटिल मोडमा पुगेको छ ।

नेकपा एमालेका प्रभावशाली नेता माधवकुमार नेपालले अध्यक्ष केपी शर्मा ओलीले सोधेको स्पष्टीकरणको १३ बुँदे जवाफ पेश गरेसँगै विवाद झन बल्झिने मोडमा पुगेको हाे ।

नेता नेपालले जवाफ मार्फत १३ बुँदे स्पष्टीकरण पेश गर्दै ओलीमाथि व्यक्तिगत स्वार्थ, दम्भ र पदलोलुपको शिकार भएको लगायत आरोप लगाएका छन् । 

प्रचण्डले लगाएको आरोप र माधव नेपालको जवाफमा केही भिन्नता छैन भन्दै नेता नेपालको जवाफपछि एमालेको विवाद झनै जटिल मोडमा पुगेको ओलीपक्षीय एक केन्द्रीय सदस्यले बताएका छन् । उनले भने ‘यसलाई अध्यक्षमाथि लगाएको १९ बुँदे आरोपको अर्को संस्करण भन्दा पनि हुन्छ ।

एमाले विवाद उत्कर्षमा पुगेको बेला शुक्रवार प्रधानमन्त्री ओलीले संसदीय दलको बैठक बोलाएका छन् । माधवकुमार नेपाल पक्षले केन्द्रीय सदस्य र सांसदहरुको बैठक बोलाएको छ ।