प्रधानमन्त्रीसहित ७ मन्त्रीले बुझाए सम्पत्ति विवरण

काठमाडौं । प्रधानमन्त्री सुशीला कार्की नेतृत्वको सरकारमा रहेका ७ जना मन्त्रीले आफ्नो सम्पत्ति विवरण बुझाएका छन् ।

जेनजी आन्दोलनको बलमा बनेको कार्की नेतृत्वको १० सदस्यीय मन्त्रिपरिषद्का तीन जना मन्त्रीहरूले अझै बुझाउन बाँकी छ ।

प्रधानमन्त्री तथा मन्त्रिपरिषद्को कार्यालयका अनुसार यी सात मन्त्रीको सम्पति विवरण प्राप्त भएको छ। अर्थमन्त्री रामेश्वर खनाल, गृहमन्त्री ओमप्रकाश अर्याल, उद्योग, वाणिज्य तथा आपूर्ति, कानुन, न्याय तथा संसदीय मामिला र भूमि व्यवस्था, सहकारी तथा गरिबी निवारण मन्त्री अनिलकुमार सिन्हा, शिक्षा, विज्ञान तथा प्रविधि मन्त्री महाबिर पुन, कृषि तथा पशुपन्छी विकास मन्त्री मदनप्रसाद परियार, खेलकुद मन्त्री बब्लु गुप्ता रहेका छन्।

ऊर्जामन्त्री कुलमान घिसिङ, सञ्चार तथा सूचना प्रविधिमन्त्री जगदीश खरेल, स्वास्थ्यमन्त्री सुधा शर्माले सम्पत्ति विवरण बुझाउन बाकी छ।

प्रधानमन्त्री तथा मन्त्रिपरिषद् कार्यालयका सहसचिव हेमराज अर्याल मन्त्रिपरिषद्का सदस्यहरूको सम्पत्ति विवरण प्राप्त हुनेक्रम जारी रहेको बताउँछन् ।