कक्षा १२ को परीक्षा सर्यो, बैशाख २१ गतेदेखि हुने

काठमाडौं । आन्दोलनकारी शिक्षकसँग वार्ता गरी समस्या समाधानमा सरकार गम्भीर नहुँदा कक्षा १२ को परीक्षा सार्नुपरेको छ ।

बैशाख ११ देखि सुरु हुने भनिएको कक्षा १२ को परीक्षा बैशाख २१ गतेदेखि हुने भएको छ । कक्षा १२ को परीक्षा दिन विद्यार्थी परीक्षा केन्द्रमा पुगिसकेपछि सरकारले परीक्षा सारेको छ ।

बोर्डले वैशाख २१ गतेका लागि परीक्षाको नयाँ मिति तोकेको छ । बोर्डका अध्यक्ष महाश्रम शर्माले वैशाख २१ गतेदेखि परीक्षा गर्ने गरी नयाँ तालिका सार्वजनिक गरिने बताए ।

शिक्षक आन्दोलन चर्किंदै गएपछि सरकारले कक्षा १२ को परीक्षा कर्मचारी लगाएर गर्ने भन्दै प्रधानमन्त्री केपी शर्मा ओलीले झन् उत्तेजित पार्ने काम गरे ।

निजामती कर्मचारीहरुले समेत शिक्षक आन्दोलन असफल पार्ने सरकारको आदेश नमान्ने भएपछि मंगलबार राति राष्ट्रिय परीक्षा बोर्डले परीक्षा सार्ने निर्णय गरेको छ ।