पूर्वडीआईजी जोशीलाई काठमाडौं जिल्ला अदालतमा पेस गरिँदै

काठमाडौं – सहकारीको रकम अपचलनको कसुरमा पक्राउ परी कास्की प्रहरीको हिरासतमा रहेका पूर्वडीआइजी एवम् गोर्खा मिडियाका पूर्व सञ्चालक छबिलाल जोशीलाई काठमाडौं ल्याइएको छ । मंगलबार पोखराबाट काठमाडौं ल्याइएका उनलाई बयानका लागि अदालतमा पेस गर्न लागिएको हो ।

जोशीविरूद्ध काठमाडौं जिल्ला अदालतले पक्राउ पुर्जी जारी गरेपछि उनलाई मंगलबार बेलुका जहाजबाट काठमाडौं ल्याइएको जिल्ला प्रहरी परिसर काठमाडौंका प्रमुख एसएसपी बसन्त रजौरेले जानकारी दिए ।

काठमाडौं जिल्ला अदालतले काठमाडौंको स्वर्णलक्ष्मी सहकारीको बचत अपचलनमा अनुसन्धानका लागि पक्राउ पुर्जी जारी गरेको थियो । त्यसमा राष्ट्रिय स्वतन्त्र पार्टीका सभापति रवि लामिछानेविरूद्ध पनि पक्राउ पुर्जी जारी भएको थियो । जोशीको बयानपछि लामिछानेलाई काठमाडौं ल्याउने तयारी छ । यसअघि कुमार रम्तेलसँग पनि बयान लिएर कास्की नै फर्काइएको छ ।