लुम्बिनीका काँग्रेस सांसद केसी कीर्तेमा जेल चलान, अमेरिका मानवतस्करीको छानबिन होला ?

बुटवल । लुम्बिनी प्रदेशसभाका सांसद  धनबहादुर केसी कारागार चलान भएका छन् । यसअघि फरार सूचीमा रहेका उनी आफैं अदालतमा उपस्थित भएपछि जेल चलान भएका हुन् । अदालतले उनलाई कैद सजाय भुक्तानका लागि कारागार पठाएको छ ।

सरकारी कागज किर्ते अभियोगमा उनलाई अदालतले १ वर्ष कैद र २ हजार जरिवानाको फैसला सुनाएको थियो । २०४८ सालको फैसला अहिलेसम्म कार्यान्वयन भएको थिएन ।

केसीलाई उनकै श्रीमती राधा केसीले सम्बन्ध विच्छेदको नक्कली कागज बनाएको भन्दै मुद्दा दायर गरेकी थिइन् । सो मुद्दामा उनी दोषी ठहर भएका थिए । नेपाली कांग्रेसका नेता केसी गत २०७९ को प्रदेश सभा निर्वाचनमा रुकुम (पूर्व) निर्वाचन क्षेत्र १(१) बाट निर्वाचित भएका थिए ।

मानवतस्करीमा पनि केसी

केसी अमेरिका मानवतस्करीमा समेत मुछिंदैआएका छन् । उनले दाङ, रुकुम, सल्यान लगायतका जिल्लाका सयौं युवाहरुलाई दुबई, ब्राजिल, मेक्सिको हुँदै अमेरिकामा अवैध रुपमा पठाउँदैआएका छन् । प्रतिब्यक्ति ८० लाख रुपैयाँसम्म लिएर उनले युवाहरुलाई अमेरिकामा अबैध बाटोाबाट पठाउने धन्दा लामो समयदेखि गरिरहेका छन् ।