रास्वपामा भाँडभैलोः स्वर्णिमले धम्की दिएको भन्दै मुकुलले गुहारे प्रहरी

काठमाडौं । राष्ट्रिय स्वतन्त्र पार्टी (रास्वपा) को महामन्त्रीबाट हटाइएका महासचिव डा. मुकुल ढकालले उपाध्यक्ष स्वर्णिम वाग्लेले नेपाललाई भारतको राज्य बनाउनुपर्छ भन्ने प्रस्ताव राखेको बिषयमा अन्तर्वार्ता दिएपछि हंगामा मच्चिएको छ ।

अन्तर्वार्तापछि डा. स्वर्णिमको सचिवलायबाट आफूलाई धम्की दिएको डा. ढकालले बताएका छन् । उनले सामाजिक संजाल फेसबुकमा वाग्लेको सचिवालयबाट धम्की आएको भन्दै प्रहरी समक्ष शान्तिसुरक्षाको माग गरेका छन् ।
ढकालले वाग्लेको सचिवालयबाट आफूलाई भौतिक आक्रमणको धम्की आएको दाबी गरेका छन् ।

ढकालले लेखेका छन्–स्वर्णिम वाग्लेको सचिवालयबाट मलाई पटक पटक फोन गरे, फोन उठाइनँ । मसँगै बस्ने भाइलाई फोन गरेर ‘मुकुललाई कुट्छु, त्यसलाई छोड्दिनँ’ लगायत अनेक भनेकाले हिजै राति इलाकाको डीएसपीलाई फोन गरेर सुरक्षा व्यवस्था मिलाइदिन आग्रह गरेको छु ।’