मुलुक कांंग्रेसकै नीतिअनुसार चलेको छः उपसभापति खड्का

काठमाडौं । नेपाली कांग्रेसका उपसभापति पूर्णबहादुर खड्काले मुलुक कांग्रेसकै नीतिअनुसार चलेको बताएका छन् । आज नेपाली कांग्रेस जिल्ला समितिले नवलपरासी (बर्दघाट सुस्ता पूर्व) ले आयोजना गरेको प्रशिक्षणका क्रममा खड्काले यस्तो बताएका हुन् ।

संविधान निर्माणदेखि कार्यान्वयनसम्म कांग्रेस नै नेतृत्व गरेको र सोही अनुसार काम भइरहेको उनको दाबी छ ।

उनले आगामी महासमिति बैठक पछि महासमिति सदस्यहरुलाई थप ठूलो आशा र भरोसा जाग्ने गरि पार्टीले अभियान सुरु गर्ने जानकारी पनि दिए । कार्यवहाक प्रधानमन्त्री एवम् रक्षामन्त्री समेत रहेका उपसभापति खड्काले कांग्रेसभित्र निर्वाचित हुने, उम्मेदवार र निर्वाचित गराउने ठूलो पंक्तिकाबिच खटपट हुन नदिने गरि काम गर्नुपर्नेमा जोड दिए ।

जनप्रतिनिधि र पार्टीप्रति मेलेर काम गर्दा जनप्रतिनिधिले गरेको काम पार्टीले अपनत्व लिने अवस्था हुने र जनताका बिचमा जान थप सहज हुने उनको भनाइ छ।