सुरुङमा मृत भेटिएका केसीको हत्या गरेको आरोपमा चार जना पक्राउ

काठमाडौं । दाङको कोइलाखानीस्थित सुरुङमा मृत भेटिएका शिवराज केसीको गोली हानी हत्या गरेको आराेपमा प्रहरीले चार जनालाई पक्राउ गरेको छ । आज प्रहरीले चार आरोपीलाई पक्राउ गरेको हो ।

पक्राउ पर्नेमा बंगलाचुली गाउँपालिका–४ गदारीका ४३ वर्षीय शेरबहादुर कुँवर, उनकी ३५ वर्षीया श्रीमती दीपा कुँवर, दीपाका भाइ २९ वर्षीय तिलक पुन र भरूवा बन्दुक उपलव्ध गराउने मेघराज कुँवर रहेका छन् ।

घोराही उपमहानगरपालिका–६ अघरा घर भएका ४५ वर्षीय शिवराज केसी शुक्रबार बंगलाचुलीस्थित कोइलाखानीको सुरूङमा मृत भेटिएका थिए । बंगलाचुली गाउँपालिका–४ गदारी फाँटको जंगलमा रहेको कोइलाखानीको सुरूङमा शव भेटिएपछि प्रहरीले अनुसन्धान अगाडि बढाएको थियो ।

प्रारम्भिक अनुसन्धानका क्रममा चार जनालाई पक्राउ गरिएको जिल्ला प्रहरी कार्यलय दाङले जनाएको छ।