युरोप पठाइदिन्छु भन्दै ठगी गर्ने म्यानपावर सञ्चालक पक्राउ

काठमाडौं। युरोप पठाइदिन्छु भन्दै ठगी गर्ने एक जना म्यानपावर सञ्चालक पक्राउ परेका छन् । मार्स म्यानपावरका सञ्चालक ४१ वर्षीय जयराम पौडेललाई प्रहरीले नियन्त्रणमा लिएको हो ।

उनले पदमकुमार श्रेष्ठसहित दुई जनालाई वैदेशिक रोजगारीका लागि युरोपमा प्रतिष्ठित कम्पनीमा राम्रो तलबमा काम लगाइदिन्छु भन्दै प्रलोभन देखाएर ठगी गरेको प्रहरीले जनाएको छ । उनले पीडितहरूबाट पटक–पटक गरी १९ लाख ६० हजार रुपैयाँ रकम लिएका थिए ।

्काठमाडौंको कोटेश्वरबाट काठमाडौं उपत्यका अपराध अनुसन्धान कार्यालयको टोलीले पक्राउ गरेको हो। उनलाई थप अनुसन्धान तथा कारबाहीका लागि वैदेशिक रोजगार विभाग ताहाचल पठाइएको छ ।