लुम्बिनीका मुख्यमन्त्री चौधरी र उपाध्यक्ष डा.लामाबीच भेटवार्ता

काठमाडौं । लुम्बिनी प्रदेशका मुख्यमन्त्री डिल्लीबहादुर चौधरी र लुम्बिनी विकास कोषका उपाध्यक्ष प्रथम योल्मो खेन्पो (छिमे छिरिङ) डा. ल्हारक्याल लामाबीच भेटवार्ता सम्पन्न भएको छ। उनीहरुबीच लुम्बिनी होक्के होटलमा करिब एक घन्टाको भेटवार्ता भएको हो ।

भेटवार्तामा उनीहरुले ४७ वर्ष अघि सुरु भएको लुम्बिनी विकास गुरु योजना अहिलेसम्म पूरा भएको बारे चिन्ता व्यक्त गर्दै गुरु योजनाको लक्ष्य यथाशीघ्र पूरा गर्न बारे विशेष छलफल भएको बताइएको छ ।

यस क्षेत्रको धार्मिक, पर्यटकीय, सांस्कृतिक, पुरातात्विक एवं ऐतिहासिक महत्वका स्थानको पहिचान, संरक्षण, संवद्र्धन तथा व्यवस्थापनमा टेवा पुर्याउनका लागि प्रदेश सरकार ऐक्यवद्ध रहेको समेत भेटमा मुख्यमन्त्री चौधरीले जनाएका छन् ।