झारफुकबाट बालिकाको मृत्यु प्रकरणमा पक्राउ परेकी माता जेल चलान

काठमाडौं । रुपन्देहीमा झारफुकबाट बालिकाको मृत्यु प्रकरणमा पक्राउ परेका १८ जनामध्ये माता भनिने एक महिलालाई थुनामा राख्न जिल्ला अदालतले आदेश दिएको छ । अदालतले अन्यलाई धरौटी तथा साधारण तारेखमा छाड्न आदेश दिएको हो ।

सैनामैना नगरपालिकामा झारफुकबाट बालिकाको मृत्यु भएको विषयमा अदालतले बुधबार पक्राउ परेकामध्ये माता नामले चिनिने रेश्मी थापालाई थुनामा राख्न र अन्यलाई छाड्न आदेश दिएको हो ।

गत फागुन २० गते सैनामैना-१० फूलबारीकी १४ वर्षीया सीता ज्ञवालीको झारफुकका क्रममा चरम यातनापछि मृत्यु भएको विषय बाहिर आएपछि प्रहरीले अनुसन्धानका लागि घरपरिवारदेखि मलामी गएका आफन्तलाई पक्राउ गरी थुनामा राखेको थियो ।