नेपाली नागरिकता लिने तिब्बतीयन युवती पक्राउ

काठमाडौं । नेपाली नागरिकता लिएको आरोपमा एक तिब्बतीयन युवती पक्राउ परेकी छन् । काठमाडौं उपत्यका अपराध अनुसन्धान कार्यालयले नेपाली नागरिकता लिएको आरोपमा उनलाई पक्राउ गरेको हो ।

पक्राउ पर्नेमा तिब्बतीयन २७ वर्षीया निमा ल्हामो गुरुङ हुन् । उनले निमा ल्हामो गुरुङ नाममै नेपाली नागरिकता बनाएको पाइएको प्रहरीले जनाएको छ । उनलाई प्रहरीले बिहीबार वौद्धबाट पक्राउ गरेको हो ।

नेपाली नागरिकता बनाउने गिरोहले नक्कली बाबु खडा गरेर उनलाई नागरिकता बनाइदिएको प्रहरी अनुसन्धानबाट खुलेको छ ।

उनी काठमाडौंको बौद्धस्थित तिब्बतीयन शरर्णार्थी शिविरमा बस्दै आएकी थिइन्। उनी भारतीय बाटो भएर दुई वर्षअघि नेपाल आइपुगेकी थिइन् ।