डीएसपी केसीबारे छानबिन गर्न गठित समितिले बुझायो प्रतिवेदन

काठमाडौं । प्रहरी नायव उपरीक्षक (डीएसपी ) ठगबहादुर केसीबारे छानबिन गर्न गठित समितिले छानबिन प्रतिवेदन बुझाएको छ । आज समितिका संयोजक (एसएसपी) चन्द्र कुवेर खापुङले आईजीपी धिरज प्रताप सिंहलाई प्रतिवेदन बुझाएका हुन् ।

ईलाका प्रहरी कार्यालय बुटवलमा रहँदा डीएसपी केसीले सुन व्यापारी किसन बिकसँग ‘घुस’ लिएको घटना छानबिन गर्न समिति गठन गरिएको थियो । समितिमा प्रहरी प्रधान कार्यालयका एसपी काजी कुमार आचार्य, सिआईबीका डिएसपी दुर्गा दाहाल र दुई जना इन्स्पेक्टर सदस्य थिए ।

डीएसपी केसी अहिले निलम्बनमा छन् । प्रहरी प्रधान कार्यालयको सिफारिसमा गृहसचिव विनोद प्रकाश सिंहले उनलाई पुस १४ मा निलम्बन गर्ने निर्णय गरेका हुन् ।