पल शाहको मुद्दाको सुनवाई सकियो, आजै आदेश आउने

काठमाडौं । अभिनेता पल शाहले जिल्ला अदालत नवलपुरको फैसलाविरुद्ध उच्च अदालत पोखरामा सफाइ माग गर्दै दिएको रिट निवेदनको सुनुवाइ सकिएको छ । उच्च अदातल पोखरामा न्यायाधीशद्वय डिल्लीराज आचार्य र श्रीधराकुमारी पुडासैनीको संयुक्त इजालासमा भएको बहसको सुनवाई सकिएको हो ।

अदालतका सूचना अधिकारी विष्णुप्रसाद आचार्यले आजै आदेश आउने सक्ने जानकारी दिए । अदालत परिसरमा सञ्चारकर्मीको भीड लागेको छ ।

अभिनेता शाह सफाइको आदेश आउने प्रतिक्षामा रहेका छन् । उनलाई तनहुँ जिल्ला अदालतले यसअघि सफाइ दिइसकेको छ । उनी यस आदेशवाट सफाई पाए भने डेढ बर्ष पछि कारागार मुक्त हुने छन, पाएनन भने थप डेढ वर्ष कारागारमा रहनु पर्ने छ ।