पुस्कर ओझाको योजना तुहियो, १०७१ मतले कांग्रेसका पन्त बिजयी, नारदमुनि राना पराजीत

काठमाडौं । कैलाली क्षेत्र नम्बर ५ मा नेपाली कांग्रेसका डिल्ली पन्तले नेकपा एमालेका नारदमुनि रानालाई पराजीत गरेका छन् । पन्तले रानालाई १०७१ मतले पराजीत गरेका छन् । नेपाली कांग्रेसका डिल्ली पन्तलाई हराउनका लागि पुस्करनाथ ओझाले बागी उम्मेदवारी दिएका थिए ।

२०७४ को निर्वाचनमा प्रधानमन्त्री शेरबहादुर देउवापत्नी डा. आरजु राणालाई हराउन बागी उम्मेदवारी दिएका थिए । ओझाले आरजुलाई २०७४ मा हराए पनि यो पटक भने उनले कांग्रेसलाई हराउन सकेनन् ।

कांग्रेसका पन्तले ओझाले उल्लेख्य मत काट्दा पनि जित हात पारेका छन् । यो चुनावमा एमालेले कैलालीमा यो पटक कुनै पनि क्षेत्रमा जित निकाल्न सकेन । समग्र सुदूरपश्चिममै कन्चनपुर १ र बैतडीमा मात्र जितेको छ ।