नेकपा सचिवालय बैठक सम्पन्नः एमसीसी विवाद यथावत

काठमाडौं । नेकपाको सचिवालयको बैठक सम्पन्न भएको छ । एमसीसीका बिषय बजेटमा समावेश गरिएकोबारेमा नेकपाका नेताहरुले प्रश्न उठाएपछि शनिबार बिहान सचिवालय बैठक बोलाइएको थियो । तर सचिवालय बैठकले एमसीसीका बारेमा कुनै निर्णय नगरी टुंगिएको छ ।

बजेटमा अनुसूचिमा रहेको बजेटको स्रोतमा उल्लेख भएको एमसीसी संसदमै विचाराधीन विषय रहेको हुनाले पछि निर्णयबमोजिम हुनेगरी अर्थमन्त्रीले स्पष्ट पारिने प्रवक्ता नारायणकाजी श्रेष्ठले बताएका छन् । प्रवक्ता श्रेष्ठले भने, एमसीसीका बारेमा प्रधानमन्त्रीले नीति तथा कार्यक्रमको प्रत्युत्तर दिदाँ उल्लेख गर्नुभएबमोजिम भाषा स्पष्ट गरिनेछ ।

हाल एमसीसीले गरिरहेका कामहरूको सम्बन्धमा अनुमोदनपछि गरिनुपर्ने कतिपय काम अघि नबढाउने गरी स्थिति बुझेर स्पष्ट पारिने छ ।
एमसीसीको बारेमा सचिवालयमा व्यापक छलफल गरी पछि निर्णय गरिने श्रेष्ठले जानकारी दिएका छन् ।