काठमाडौं, ८ बैशाख । बुधबारमात्रै काठमाडौंको महानगरीय प्रहरी बृत्त कालिमाटीका एक सई र प्रहरी जवानमा कोरोना संक्रमण पुष्टी भयो । गोकर्णेश्वर नगरपालिकामा एक जनामा देखिइसकेको छ ।
टेकुको इपिडिमियोलोजी तथा रोग नियन्त्रण महाशाखाका एक चिकित्सकमा पनि संक्रमण देखियो । चेत ३० गते सर्लाहीको रामनगरबाट काठमाडौं आएकी कपनकी एक १८ बर्षीया किशोरीमा पनि संक्रमण देखिएको छ । काठमाडौंको बागबजारमा छापाखानामा काम गर्ने पुरुषमा समेत संक्रमण देखिएको छ । यसरी काठमाडौंमा डढेलो सरी कोरोना फैलिन थालेको छ ।
बुधबारमात्रै मैतीदेवीमा एकजनामा कोरोना संक्रमण पुष्टि भएपछि त्यस क्षेत्रलाई सिल गरिएको छ । कमलपोखरी प्रहरी वृत्तले अहिले उक्त क्षेत्र सिल गरेको छ । मैतीदेवीमा संक्रमित युवा रामेछापका भएको खुलेको छ ।
