ललितपुरका पहिलो कोरोना संक्रमित स्वास्थ्य विभागका चिकित्सक

काठमाडौं, ६ जेठ ।कोरोना भाइरस संक्रमितको कन्ट्याक ट्रेसिङमा संलग्न एक चिकित्सकमा संक्रमण देखिएको छ । ललितपुरमा देखिएका कोरोना संक्रमित स्वास्थ्य विभाग इपिडिमियोलोजि तथा रोग नियन्त्रण महाशाखामा कार्यरत जनस्वास्थ्य चिकित्सक रहेको स्रोतले जनाएको छ ।

आज उपत्यकाका काठमाडौं, भक्तपुर र ललितपुरमा गरी ५ जना कोरोना पोजिटिभ देखिएको थियो। जसमध्ये ललितपुरका भनिएको संक्रमित स्वास्थ्य सेवा विभाग अन्तर्गत करारका चिकित्सक रहेको स्रोतले जनाएको छ ।

ती डाक्टर कपिलवस्तुका कोरोना संक्रमितहरुको कन्ट्याक ट्रेसिङ गर्न गएका थिए । यसअघि नेपालमा नर्समा कोरोना भाइरसको संक्रमण देखिएपनि डाक्टरमा भने देखिएको थिएन।