प्रधानमन्त्री वालेन र नेकपा नेता पुनबीच भेटवार्ता

काठमाडौँ। प्रधानमन्त्री वालेन्द्र शाह (बालेन) र नेपाली कम्युनिस्ट पार्टी (नेकपा) का नेता वर्षमान पुनबिच आज (बिहीबार)भेटवार्ता भएको छ।

प्रधानमन्त्रीको सचिवालयले दिएको जानकारीअनुसार सिंहदरबारस्थित प्रधानमन्त्री तथा मन्त्रिपरिषद्को कार्यालयमा उनीहरूबिच भेट भएको हो।

यस क्रममा प्रधानमन्त्री बालेन र नेकपा नेता पुनबिच हालै रसुवाको भोटेकोसी नदीमा आएको बाढी र त्यसपछिका खोज, उद्धार, उपचार, राहत वितरणलगायत विषयमा कुराकानी भएको बताइएको छ ।

यस्तै उनीहरूबिच बाढीबाट प्रभावित भएका पूर्वाधारलाई कसरी पुनः सञ्चालन गर्ने विषयमा पनि छलफल भएको छ।

यता नेकपा नेता पुनले चाहिँ भेटमा भोटेकोसीमा बेपत्ता सबै नागरिकको खोजी, उद्धार एवं तत्कालीन र दीर्घकालीन गरी १८ बुँदे सुझाव दिएको बताएका छन्।

यसअघि आजै उज्यालो नेपाल पार्टीका अध्यक्ष कुलमान घिसिङले पनि प्रधानमन्त्री शाहसँग भेट गरेका थिए।