खरेलले दिए राजीनामा, महान्यायाधीवक्तामा दाहाल र बडालमध्येबाट नियुक्तिको तयारी

बाबुराम दाहाल अग्नि खरेल र रमेश बडाल

काठमाडौं । नेपाल सरकारका महान्यायाधिवक्ता अग्नि खरेलले राजीनामा दिएका छन् । खरेलको राजीनामा पत्र राष्ट्रपति कार्यालय पुगेको छ । उनले राजीनामाका बारेमा पत्रकार सम्मेलन नै राखेका छन् ।

प्रतिनिधिसभा बिघटन गर्ने ब्यवस्था संविधानमा नभएको भाषण गरेको भिडियो सार्वजनिक भएपछि निकै अप्ठेरोमा परेका खरेलले यसअघि नै रानपमा दिएको समाचारमध्यममा सार्वजनिक भएको थियो । खरेल मन्त्रिपरिषद्को सिफारिसमा राष्ट्रपति विद्यादेवी भण्डारीबाट ८ फागुन २०७४ मा महान्यायाधिवक्ता नियुक्त भएका थिए । पूर्व कानुनमन्त्री समेत रहेका खरेलले झापामा प्रतिनिधिसभाको आगामी निर्वाचनमा उम्मेदवार हुने भएकाले त्यसको तयारीका लागि राजीनामा दिएको चर्चा छ ।

खरेलले राजीनामा दिएपछि नयाँ महान्यायाधीवक्तामा बाबुराम दाहाल र रमेश बडालमध्येबाट बनाउने तयारीमा प्रधानमन्त्री केपी ओली छन् । दाहाल अहिले पनि प्रधानमन्त्रीका कानुनी सल्लाहकार हुन् ।