गृहमन्न्त्री गुरुङलाई हर्क साम्पाङको प्रश्नः फेवातालको जग्गा प्रकरण के हो ?

काठमाडौं । श्रम संस्कृति पार्टीका अध्यक्ष हर्क साम्पाङले गृहमन्त्री सुदन गुरुङलाई पोखराको फेवातालको २० रोपनी जग्गाको बारेमा प्रष्ट पार्न आग्रह गरेका छन् । पोखराको जग्गाको बारेमा खास कुरा के हो पत्रकार सम्मेलन गरेर स्पष्ट पार्न उनले आग्रह गरेका छन् ।

गृहमन्त्री गुरुङको नाममा पोखराको फेवातालमा २० रोपनी जग्गा रहेको समाचारले नैतिकताको सवाल खडा भएकाले अब यो सवालको जवाफ नदिने हो भने जनताले कुरा काट्छन र विश्वास गर्दैनन्, साम्पाङले सामाजिक संजालमा लेखेका छन्–‘प्रिय सुदन गुरुङज्यू, तपाईं देशको गृह मन्त्री बन्नुभएकोमा मैले बधाइ दिएको छैन !

मलाई ‘हर्क दाइ’ भन्नुहुन्छ १ त्यो साइनोले ‘भाइ हो तपाइँ मेरो’ मलाई ‘हर्कजी’ भन्नुहुन्छ !  त्यो अर्थमा ‘साथी हो तपाइँ मेरो’ तर यो देशको विधि र संविधानलाई मान्दा तपाइँ ‘माननीय गृहमन्त्रीज्यू’ हुनुहुन्छ ! With respect मैले त्यो भन्नैपर्छ !

एउटा प्रतिपक्ष दलको नेता भएको कारण तपाईंको टिकाटिप्प्णी गर्नैपर्छ मैले ! प्रश्न सोध्नैपर्छ मैले मेरा प्रश्नहरु व्यक्तिगत नभएर नितान्त पदीय जिम्मेवारीले भरिएका प्रश्न हुन्  ! nothing personal, everything professional and legal ! तपाइँले gen z आन्दोलनको २३ गतेको घटनाका दोषीहरुलाई पक्रनु भयो ! धन्यवाद सबैले दिएका छन् !

गलत काम गर्नेहरुको लिस्ट बनाएर कारवाही गर्दै हुनुहुन्छ ! धन्यवाद छ ! I like that and appreciate that.। अझै अघि बढ्नुहोस् शुभकामना छ ! तर मैले सदनमा उठाएका दुइटा मुद्दा नबिर्सनु होला !gen z आन्दोलनको २४ गतेको घटनाको दोषीलाई कारवाही, जीबी राईलाई पक्रेर रवि दाईलाई न्याय दिने काम गर्ने मान्छेको खुट्टा तान्छन् !

अपजस पाइन्छ नै काम गर्ने क्रममा तर पोखराको फेवातालमा २० रोपनी जग्गा तपाइँको नाममा छ रे भन्ने खबरले सामाजिक संजाल तातिंदा नमज्जा लागेको छ ! खास कुरा के हो पत्रकार सम्मेलन राखिहाल्नुस् ! नैतिकताको सवाल खडा भयो १ अब यो सवालको जवाफ नदिने हो भने जनताले कुरा काट्छन् र विश्वास गर्दैनन् ! तपाइँलाई मान्दैनन् ! प्रहरीले पनि टेर्न छाड्छन् ! मलाई आशा छ तपाइँले एउटा दाजुले दिएको सल्लाह सम्झेर भनेको मान्नुहुनेछ १ एक दिन म तपाइँलाई हृदयदेखि नै बधाइ दिनेछु १ त्यो दिन चाँडै आओस् ! जय देश !’