दुई सांसदका कारण लुम्बिनी प्रदेश सरकार संकटमा

काठमाडौं । एमालेका तर्फबाट जितेका दुई सांसदका कारण लुम्बिनी प्रदेश सरकार संकटमा परेको छ । लुम्बिनी प्रदेश सभाका दुई सांसद माधव नेपाल–झलनाथ खनाल समूहमा लागेपछि मुख्यमन्त्री शंकर पोखरेल नेतृत्वको सरकार संकटमा परेको हो ।

४१ जना प्रदेशसभा सदस्य रहेको लुम्बिनी प्रदेश सभाका दुई सांसद काठमाडौंमा जारी झलनाथ खनाल–माधव नेपाल समूहको राष्ट्रिय भेलामा सहभागी छन् । 
सांसद बिष्णु पन्थी र रमा घर्ति माधव–झलनाथ समूहको राष्ट्रिय भेलामा सहभागी भएका छन् ।

पन्थी यसअघि नै नेपाल–खनाल समूहमा थिए भने घर्ति बुधबार राष्ट्रिय भेलामा सहभागी भएका छन् । पन्थी कपिलवस्तुबाट निर्वाचित सांसद हुन् भने घर्ति पाल्पाकी हुन् ।