गृहमन्त्रीलाई कलाकार टोलीले दिए यस्ता सुझाव

काठमाडौँ । गृहमन्त्री ओमप्रकाश अर्यालले कलाकारको एक टोलीलाई बोलाएर भेट गरेका छन् । उनले आइतबार सिंहदरबारस्थित मन्त्रालयमा कलाकारसँग भेट गरेका हुन् ।

मन्त्री अर्याललाई भेट्न कर्मा, निश्चल बस्नेत, सुरक्षा पन्त, ऋचा शर्मा, दिब्यदेव पन्त लगायत पुगेका थिए ।

समसामयिक परिस्थितिका विषयमा छलफलका लागि बोलाएपछि आफूहरू गृहमन्त्री भेट्न मन्त्रालय पुगेको कलाकार ऋचा शर्माले बताइन् ।

विभिन्न क्षेत्रमा न्युटल व्यक्तिहरूसँग भेटेर छलफल गर्ने क्रममा आफूहरू पनि परेको शर्माले जानकारी दिइन् । भनिन्, ‘मन्त्रीले कसरी अझै बेटर गर्न सकिन्छ, के के कुरा पुगिरहेको छैन भन्ने विषयमा समेत छलफल गर्नुभयो ।’

मन्त्री शर्माले कलाकारको तर्फबाट सुझाव समेत मागेका थिए । सो क्रममा आफूहरूले भइरहेको र गरिरहेको कामको सूचना खुलस्त दिन सुझाएको ऋचाले बताइन् ।

कलाकारले २१ फागुनमा घोषित चुनाव समयमै सम्पन्न गर्न, जेनजी आन्दोलनका शहीदलाई न्याय दिनसहितका सुझाव दिइएको मन्त्रीसँगको भेटमा दिएका थिए ।