नेकपा विवाद टुंगो लगाउन निर्वाचन आयोगमा छलफल

काठमाडौं । निर्वाचन आयोगले नेपाल कम्युनिस्ट पार्टी (नेकपा) विवादबारे आजै रातिसम्म टुंगो लगाउने तयारी गरेको छ ।

आयोगका प्रमुख निर्वाचन आयुक्त दिनेशकुमार थपलियाले राति ११ बजेसम्म भए पनि नेकपाको विवाद आजै टुंगो लगाउने जानकारी दिए ।

प्रमुख निर्वाचन आयुक्त थपलियाका अनुसार आयोगको बैठक अहिले बसिरहेको छ । सोही बैठकले नेकपा विवादबारे टुंगो लगाउनेछ ।

सरकारको सिफारिसमा राष्ट्रपति विद्यादेनी भण्डारीले गत पुस ५ गते संसद भंग गरेपछि नेकपा दुईधारमा विभाजित छ ।

औपचारीक रुपमा विभाजनको घोषणा नभएपछि प्रधानमन्त्रीसमेत रहेका केपी शर्मा ओली समूह र पुष्पकमल दाहाल प्रचण्ड–माधबकुमार नेपाल समूहले आफूलाई आधिकारीक नेकपा भएको दावी गर्दै आएका छन् ।