सीसीटीभी हेरेर सात महिनामा ४३ सय बढी चालकमाथि कारबाही

काठमाडौं। पछिल्लो सात महिनामा काठमाडौं उपत्यकाभित्र ४३ सय भन्दा बढी सवारी चालकलाई सीसीटीभी हेरेर कारबाही गरिएको छ । ट्राफिक प्रहरीले सीसीटीभीको सहयोगबाट ट्राफिक नियम उल्लंघन गर्ने चालकहरुलाई कारबाही गरेको हो ।

काठमाडौं उपत्यका प्रहरी कार्यालयमा रहेको सीसीटीभी कन्ट्रोल रुमले दिएको सूचनाका आधारमा ३ हजार २९२ जना र ट्राफिक नियम उल्लंघन गरी फरार रहेका १ हजार २२ जना गरी ४३ सय १४ जना चालकलाई कारबाही गरिएको काठमाडौँ उपत्यका ट्राफिक प्रहरी कार्यालयले जानकारी दिएको छ ।

कार्यालयका अनुसार साउनमा ३४१, भदौंमा ६८०, असोजमा ४८२, कार्तिकमा ३६६,मंसिरमा ६६२, पुसमा ९२५, माघमा ८१४ र फागुनमा ४४ जना चालकलाई कारबाही गरिएको हो ।