सल्यानमा महिलाले नै महिलामाथि गरिन् खुकुरी प्रहार

सल्यान। सल्यानमा एक महिलाले नै महिलामाथि खुकुरी प्रहार गएकी छन्। ती महिलाले भाउजु नाता पर्ने महिलालाई खुकुरी प्रहार गरेकी हुन् । जिल्लाको छत्रेश्वरी गाउँपालिका ३ मुलखोला बस्ने प्रेम ओलीकी श्रीमती ३१ वर्षीया दुर्गा ओलीले नातामा भाउजु पर्ने दुर्गी खड्कालाई शनिबार बेलुका खुकुरी प्रहार गरेकी हुन् ।

खुकुरी प्रहारबाट दुर्गीको घाँटीको बायाँ भाग र कान काटिएको जिल्ला प्रहरी कार्यालय सल्यानका सूचना अधिकारी प्रहरी निरीक्षक सन्तोष खनालले बताए । आपसमा भएको सामान्य विवादका कारण आवेशमा आएर दुर्गा ओलीले दुर्गी खड्कालाई खुकुरी प्रहार गरेको उनले जानकारी दिए ।

उनका अनुसार गम्भीर घाइते भएकी दुर्गी खड्काको जिल्लाको शारदा नगरपालिका १ श्रीनगरस्थित परोपकार अस्पतालमा सामान्य उपचारपछि थप उपचारका लागि नेपालगन्ज लगिएको छ । अहिले उनको नर्सिङ होममा उपचार भइरहेको छ ।

खुकुरी प्रहार गर्ने दुर्गा ओलीलाई प्रहरीले नियन्त्रणमा लिएको तर खुकुरी नभेटिएको सूचना अधिकारी प्रहरी निरीक्षक खनालले जानकारी दिए ।

उनलाई ईलाका प्रहरी कार्यालय लुहामको हिरासत कक्षमा राखिएको छ । घटनाको जाहेरी परेमा त्यहिअनुसार कारबाही प्रक्रिया अगाडि बढाउने प्रहरीको भनाइ छ।