दोलखामा कार्कीले लिए सुरुमै फराकिलो अग्रता, शिवाकोटी दोब्बरभन्दा बढी मतले पछाडि

काठमाडौं । दोलखामा बिहीबार रातिदेखि सुरु भएको मतगणनामा गठबन्धनका तर्फबाट माओवादी केन्द्रका गंगा कार्कीले १ हजार ७ सय ५४ मतले अग्रता लिएका छन् । गौरीशंकर गाउँपालिका १, २, ३, ४, ७ र ९ वडाको मतगणना गर्दा कार्कीले ३ हजार २ सय २४ मतका साथ अग्रता लिएका छन् । नेकपा एमालेका बालकृष्ण शिवाकोटीले १ हजार ४ सय ७० मतका साथ कार्कीलाई पछ्याइरहेका छन् । 

गौरीशंकर एमालेका नेता तथा पूर्वमन्त्री पार्वत गुरुङको गृह गाउँपालिका हो । माओवादीका उम्मेदवार कार्की पनि यही गाउँका हुन् । उनले गौरीशंकर गाउँपालिकामा दोब्बर मतले पछाडि पारेकाले एमालेका शिवाकोटीलाई जित निकाल्न त्यति सहज भने देखिंदैन । यद्यपि एमालेले बैतेश्वर गाउँपालिकाका १० वटा बुथमा पुनः मतदान गराएपछि जित्ने अपेक्षा गरेको थियो । 

प्रदेशतर्फ पनि गठबन्धनकै कुन्दन काफ्ले अगाडि छन् ।