कोभिड १९ उपचार तथा रोकथामको लागि ६ अर्ब बजेट

काठमाडौं, १५ जेठ । आज प्रस्तुत  आर्थिक वर्ष २०७७ / ७८ बजेटमा कोरोनाभाइरस (कोभिड(१९) रोकथाम र उपचारको निम्ति सरकारले ६ अर्ब बजेट छुट्याएको छ।

आर्थिक वर्ष २०७७/७८ को बजेट प्रस्तुत गर्दै अर्थमन्त्री युवराज खतिवडाले कोरोना संक्रमणको रोकथाममा खटिने चिकित्सक तथा स्वास्थ्यकर्मीलाई प्रोत्साहन भत्ताको समेत व्यवस्था गरिएको बताए।त्यस्तै आगामी वर्षभित्र उपत्यकामा ३ सय शैय्याको छुट्टै सरुवारोग अस्पताल पनि निर्माण गरिने बताए।

साथै काठमाडौं वा प्रदेशका राजधानीमा भएका अस्पतालहरूमा २ सय ५० बेडको आइसियू स्थापना गरिने भएको छ।

यस्तै पोखरा, कोसी, नारायणी र कर्णाली अस्पताललाई स्तरोन्नति गर्दै विशेषज्ञ अस्पतालको रूपमा विकास गरिने भएको छ।