मातातीर्थ औंशीमा प्रधानमन्त्री वालेन्द्रको सन्देशः आमालाई संधै हँसाउन सकौं

काठमाडौं । प्रधानमन्त्री वालेन्द्र शाहले मातातीर्थ औंशीमा सम्पूर्ण आमाहरुप्रति सम्मान र नमन गर्दै एक सन्देश दिएका छन् । सामाजिक संजालमा उनले माताको काख न्यानो, चरण तीर्थजस्तै पवित्र भएको उल्लेख गर्दै मातातीर्थ औँसीको पावन अवसरमा माया र त्यागको अनुपम उदाहरण बनिरहने सृष्टिकी मुहान सम्पूर्ण आमाहरूप्रति हार्दिक सम्मान, कृतज्ञता र नमन व्यक्त गरेका छन् । आमाहरूको दीर्घायुको कामना गर्दै शाहले लेखेका छन्–आमालाई सधैं हँसाउन सकौँ, हामी सन्तानहरूको कर्ममा आमाले सदैव गर्व गर्न सकून् ।

प्रधानमन्त्री शाहले लेखेका छन्–

‘जननी जन्मभूमिश्च स्वर्गादपि गरीयसी”
माता र मातृभूमि स्वर्गभन्दा पनि महान हुन्छन् ।

माताको काख न्यानो, चरण तीर्थजस्तै पवित्र । मातातीर्थ औँसीको यस पावन अवसरमा माया र त्यागको अनुपम उदाहरण बनिरहने सृष्टिकी मुहान सम्पूर्ण आमाहरूप्रति हार्दिक सम्मान, कृतज्ञता र नमन व्यक्त गर्दछु । आमाहरूको दीर्घायुको कामना गर्दछु ।

जीवनको पहिलो गुरु अनि अनन्त ममताकी स्रोत ‘आमाको मुख हेर्ने दिन’ आज सम्पूर्ण आमाहरू र नेपाल आमाको सदैव उज्यालो मुहारको कामना गर्दछु । आमालाई सधैं हँसाउन सकौँ, हामी सन्तानहरूको कर्ममा आमाले सदैव गर्व गर्न सकून् ।

मातातीर्थ औँसी (आमाको मुख हेर्ने दिन)को हार्दिक मंगलमय शुभकामना ।

हे जननी ! म नेपाल आमा हाँसेको हेर्न चाहन्छु ।’