जनता समाजवादी पार्टीको बैठक स्थगित, सरकार गठन अन्योलमा

काठमाडौं । प्रधानमन्त्री केपी शर्मा ओलीको सरकार विस्थापित गरी बैकल्पिक सरकार निर्माण गर्ने प्रक्रिया अन्योलमा परेको छ । सरकार गठनको बिषयमा बोलाइएको जनता समाजवादी पार्टीको कार्यकारिणी समितिको बैठक स्थगित भएको छ । जसपाले तयारी नपुगेको भन्दै बैठक स्थगित गरेको छ ।

 प्रधानमन्त्री बन्नका लागि प्रमुख प्रतिपक्षी दलका नेता शेरबहादुर देउवा तयार नभएपछि बैकल्पिक सरकार निर्माण नै नहुने अवस्था सृजना भएको छ । माओवादी केन्द्रका अध्यक्ष पुष्पकमल दाहाल ‘प्रचण्ड’ बैकल्पिक सरकार निर्माणका लागि तदारुकताका साथ लागे पनि देउवा उदासिन छन् ।  देउवा उदासिन भएकाले जनता समाजवादी पार्टीले पनि निर्णय गर्न सकेको छैन ।

जसपाको आज राखिएको बैठक पनि स्थगित भएपछि बैकल्पिक सरकार निर्माणको बिषय ओझेलमा परेको छ ।