पार्टी फुटेको छैन, विशेष महाधिवेशनले नेतृत्व परिवर्तन गरेको हो: गगन थापा

काठमाडौं । नेपाली काँग्रेसको विशेष महाधिवेशनले चयन गरेका सभापति गगन थापाले पार्टी नफुटेको दाबी गर्दै नेतृत्व मात्र परिवर्तन भएको बताएका छन् ।

पार्टी अद्यावधिक गर्न निर्वाचन आयोग पुगेका सभापति थापाले पार्टी नफुटेको बताउँदै आयोगले विशेष महाधिवेशनले गरेको नेतृत्व परिवर्तनसहितका निर्णयलाई अद्यावधिक गर्ने विश्वास व्यक्त गरेका छन् ।

थापाले अधिवेशन पार्टीको सर्वोच्च निकाय भएकाले त्यसले गरेका निर्णय बारे आयोगलाई जानकारी गराएको र आफूहरूले निर्वाचन आयोगलाई छिटो निर्णय गर्न आग्रह गरेको बताए ।

उनले आयोगका पदाधिकारीले आज दोहोरो संवाद नगरेको र आयोगले ढिलोमा पर्सिसम्म यस अद्यावधिक गर्ने आफूहरूले विश्वास व्यक्त गरेको प्रतिक्रिया दिए । आयोगमा उपसभापति विश्वप्रकाश शर्मासहितका नेताहरू निर्वाचन आयोग पुगेका थिए ।