कलाकार कलकतियावालीकी अंशा सदा घरमै मृत फेला, आत्महत्याको आशंका

मुकेशकुमार यादव

सिरहा  । मधेसको चर्चित कलाकार अभिनास झा उर्फ कलकतियावालीकी  श्रीमती अंशा  सदा आफ्नै घरमा मृत अवस्थामा फेलापरेकी छिन् ।

जनकपुरधाम उपमहानगरपालिका वडा नं. १२ र २० को बीचमा रहेको नोचा पोखरी नजिकै रहेको आफ्नै घरमा सोमबार राति अंशा सदा मृत अवस्थामा फेला परेकी हुन् ।

गत माघ महिनामा अन्तरजातीय विवाह गरेका अभिनास झाले गृहप्रवेश पनि गरेका थिए । पूजाआजा गर्दै गृह प्रवेश गरेका दुवै जोडी समाजिक संजालमा खुसी देखिएका थिए ।

जिल्ला प्रहरी कार्यालय धनुषाका अनुसार, यो घटना सोमबार रातीकै रहेको पुष्टि गरेको छ । अंशा सदाको माइती पक्ष नआएको कारण अगाडीको प्रक्रिया गर्न नसेकेको प्रवक्ता बरुणबहादुर सिंहले जानकारी दिए ।

जनकपुरधाम उपमहानगरपालिका वडा नं. १२ र २० को बीचमा रहेको नोचापोखरी नजिकैको नोचपुरस्थित सुटिङ स्थलमा बिहानैदेखि भीड लागेको छ । अन्तरजातीय विवाह गरेर चर्चामा आएका कलाकार अभिनास झा यसवारे जानकारी दिन सक्ने अवस्थामा छैन ।

कलाकार अविनास झा र अंशा सदाबीच करिब १०/ ११ दिनदेखि तनाव चल्दै आएको थियो ।

अहिले प्रहरीको टोलीले घटना स्थललाई नियन्त्रणमा लिएर मुचुल्का प्रक्रिया अगाडि बढाएको छ ।

माइती पक्ष आएपछि पोष्टमार्टमको प्रक्रिया अगाडि बढ्ने प्रहरीले जनाइएको छ । जानकारी अनुसार उनी आत्महत्या गरेकी हुन् । यद्यपि  प्रहरीले यसलाई बिना पोष्टमार्टमको पुष्टि नगर्ने बताएको छ । यसबारे अनुसन्धान तीव्र बनाइएको छ ।