विद्युत नियमन आयोगको अध्यक्षमा धिताल, दुग्ध विकास बोर्डमा यादव नियुक्त

काठमाडौं । सरकारले विद्युत नियमन आयोगको अध्यक्षमा रामप्रसाद धिताललाई नियुक्त गरेको छ ।

शुक्रबार बसेको मन्त्रिपरिषद् बैठकले आयोगको अध्यक्षमा धिताल र सदस्यहरूमा डा. मधुसूदन अधिकारी र झमकप्रसाद शर्मालाई नियुक्त गर्ने निर्णय गरेको छ ।

धिताल यसअघि बोर्ड सदस्य थिए । उनले तत्कालीन ऊर्जामन्त्री पम्फा भूसालको निर्देशनमा बोर्डबाट राजीनामा दिएका थिए ।

धिताल लामो समय बैकल्पिक ऊर्जा प्रबद्र्धन केन्द्रमा सेवा गरी प्रमुखबाट अवकाश भएका थिए ।

राजीनामा दिन नमानेका अध्यक्ष दिल्लीबहादुर सिंह लगायतलाई भूसालले पदबाट बर्खास्त गरे पनि उनीहरु अदालतबाट अन्तरिम आदेश ल्याएर कार्यकाल सकेर बिदा भएका थिए ।

यसैगरी, दुग्ध विकास बोर्डको अध्यक्षमा राजेन्द्रप्रसाद यादवलाई नै नियुक्ति गरेको छ । उनी यसअघि पनि बोर्डको अध्यक्ष थिए ।