Logo
  • बुधबार, मंसिर १५ २०७८Dec 01 2021

लाखौंको चेक बाउन्स मुद्दाकी फरार प्रतिवादी ललितपुरबाट पक्राउ

लाखौंको चेक बाउन्स मुद्दाकी फरार प्रतिवादी ललितपुरबाट पक्राउ

नेपाल फेस

मंसिर ८, २०७८ बुधबार
  • 1.0K
    SHARES

  • लाखौंको चेक बाउन्स मुद्दाकी फरार प्रतिवादी ललितपुरबाट पक्राउ

    काठमाडौं । प्रहरीको केन्द्रीय अनुसन्धान ब्‍यूरोले बैंकिङ कसूर मुद्दाका फरार प्रतिवादीलाई पक्राउ गरेको छ ।

    पक्राउ पर्नेमा काठमाडौं महानगरपालिका-१० घर भइ ललितपुर जिल्ला सानागाउँ बस्‍दै आएकी ५१ वर्षीया दुर्गा शाही सापकोटा रहेकी छिन् ।

    उच्च अदालत पाटनले उनीविरुद्ध संसिर १६ गते बैंकिङ कसुर मुद्दामा सात दिन कैद र १३ लाख ६५ हजार रुपैयाँ जरिवाना हुने फैसला सुनाएको थियो ।

    अदालतको फैसलापछि फरार रहेका सापकोटालाई ललितपुर सानागाउँमा लुकिछिपी बसेको अवस्थामा केन्द्रीय अनुसन्धान व्युरोको टोलीले बुधबार नियन्त्रणमा लिएको हो ।

    आफ्नो खातामा पर्याप्त रकम नहुँदा नहुँदै सापकोटाले २०७५ साल कात्तिक ६ गते रकम भुक्तानीका लागि हिमालयन बैंक लिमिटेडको चेक काटेर दिएकी थिइन् ।

    पक्राउ परेका उनलाई फैसला कार्यान्वयनको लागि बुधबार काठमाडौं जिल्ला अदालतमा पेश गरेको ब्‍यूरोले जनाएको छ ।

    सम्बन्धित समाचार