Logo
  • बुधबार, मंसिर १५ २०७८Dec 01 2021

डा. लोहनी आफैँले बेहोस हुने औषधि लिएको पाइयो : प्रहरी

डा. लोहनी आफैँले बेहोस हुने औषधि लिएको पाइयो : प्रहरी

नेपाल फेस

मंसिर ८, २०७८ बुधबार
  • 1.0K
    SHARES

  • डा. लोहनी आफैँले बेहोस हुने औषधि लिएको पाइयो : प्रहरी

    काठमाडौँ । बेहोस अवस्थामा फेला परेका काठमाडौँको टोखा निवासी एक चिकित्सकको मृत्यु भएको छ । 

    ग्राण्डी टावरको माथिल्लो तलामा रहेको आफ्नै कोठामा सोमबार बेहोस अवस्थामा फेला परेका न्युरोसर्जन डा सुवास लोहनीको मृत्यु भएको महानगरीय प्रहरी परिसर काठमाडौँले जनाएको छ । लोहनी नेशनल न्यूरो सेन्टरमा कार्यरत थिए। 

    महानगरीय प्रहरी कार्यालय काठमाडौँका प्रवक्ता प्रहरी उपरीक्षक सुशीलसिंह राठौरका अनुसार शव परीक्षणका लागि आज महाराजगञ्जस्थित शिक्षण अस्पतालमा ल्याइएको छ । डा लोहनी आफैँले बेहोस हुने औषधि लिएको पाइएको प्रहरीले जनाएको छ ।

    'ओभरडोज भएर मृत्यु भएको जस्तो देखिन्छ', एक प्रहरीले भने, 'सुसाइड नोटसमेत फेला परेकाले आत्महत्या गरेको अनुमान गरिएको छ ।' उनले शव परीक्षणको प्रतिवेदन आएपछि कारण यकिन हुने पनि बताए ।

    सोमबार दिउँसो १ बजेसम्म फोन गर्दा ठीक रहेको र तीन बजे बेहोस अवस्थामा फेला परेको परिवारको भनाई उद्धृत गर्दै प्रहरीले जानकारी दिएको छ । उनमा एक हप्ता अघि मात्रै कोभिड–१९ को सङ्क्रमण भएको थियो ।

    प्रहरीको प्रारम्भिक अनुसन्धानमा केही अघिदेखि नै डा लोहनी एक्लै बोल्ने, बस्ने गरेको पाइएको छ । साहित्य क्षेत्रमा समेत रुचि राख्ने डा लोहनी सञ्चारमाध्यममा लेखसमेत लेख्थे।

     

    सम्बन्धित समाचार