Logo
  • शनिबार, साउन २८ २०७९Aug 13 2022

थाइल्याण्डका प्रधानमन्त्रीद्वारा खोप लगाउन सबै नागरिकलाई आग्रह

थाइल्याण्डका प्रधानमन्त्रीद्वारा खोप लगाउन सबै नागरिकलाई आग्रह

नेपाल फेस

चैत ३, २०७७ मंगलबार
  • 15.4K
    SHARES

  • थाइल्याण्डका प्रधानमन्त्रीद्वारा खोप लगाउन सबै नागरिकलाई आग्रह

    एजेन्सी। थाइल्याण्डका प्रधानमन्त्री प्रयुत चान ओचाले आज मंगलबार कोरोनाभाइरसविरुद्धको खोप लगाउने भएका छन् । 

    images

    रगत जम्ने खतरा देखिएको भन्दै केही युरोपेली मुलुकले अस्ट्राजेनिकाको खोप लगाउन स्थगित गरेको भन्दै थाईल्यान्डले समेत शुक्रबार खोप अभियान स्थगित गरेको थियो । तर उपप्रधानमन्त्री तथा सार्वजनिक स्वास्थ्य मन्त्री अनुतिन चार्नभिराकुलले भने खोप सुरक्षित नै रहेको दावी गरेका छन् ।

    प्रधानमन्त्री ओचाले आज त्यही खोप लगाउन लागेको उनले जानकारी दिएका छन् ।  

    मन्त्रीपरिषद्का सदस्यमध्ये ६० बर्ष उमेर पुरा भएका अन्य मन्त्रीलाई पनि भोलि खोप लगाउने कार्यक्रम रहेको उनले बताए ।  

    विश्व स्वास्थ्य संगठन (डब्लुएचओ) लगायतका धेरै स्वास्थ्य निकायहरूले अस्ट्राजेनिकाको कोभिड खोपमा कुनै समस्या नरहेको दाबी गरेपनि केही देशहरूमा खोप अभियान स्थगित गरिएको छ । 

    वैज्ञानिकहरुले कोभिडलाई परास्त गर्न खोप एकमात्र भरपर्दो साधन रहेको बताएका छन् । विश्वमा हाल कोरोनाभाइरसको संक्रमणबाट २६ लाखभन्दा बढी मानिसको मृत्यु भइसकेको छ ।

    तर अक्सफोर्ड–अस्ट्राजेनिकाले विकास गरेको कोभिड खोपका कारण मानिसको शरीरमा रगत जमेको भन्ने रिपोर्टका आधारमा बिहीबार डेनमार्क, नर्वे, आइसल्यान्ड, इटाली र रोमानीयाले अस्ट्राजेनिकाको खोप लगाउन रोकेका छन् । 

    स्वास्थ्यसम्बन्धी नियामक निकायहरूले खोपकै कारण रगत जमेको भन्ने ठोस प्रमाण नभेटिएको जनाएका छन्, तर सावधानीका लागि खोप अभियानमा ढिलाई गरिएको युरोपेली मुलुकहरुको भनाइ छ । 

    खोप अभियान राम्रोसँग सञ्चालन गर्न नसकेको युरोपले खोप अभियानलाई अझ बढावा दिन संघर्ष गर्नु परिरहेको छ । युरोपेली युनियनले अस्ट्राजेनिकामाथि निरन्तर पर्याप्त आपूर्ति व्यवस्था मिलाउन दबाब दिइरहेको छ । 

    images
    सम्बन्धित समाचार