Logo
  • शनिबार, जेठ १४ २०७९May 28 2022

गृहसचिवलाई कोरोना : डिआइजी बढुवा धकेलियो

गृहसचिवलाई कोरोना : डिआइजी बढुवा धकेलियो

नेपाल फेस

पुस ३, २०७७ शुक्रबार
  • 156.9K
    SHARES

  • गृहसचिवलाई कोरोना : डिआइजी बढुवा धकेलियो

    काठमाडौं । गृह मन्त्रालयका सचिव महेश्वर न्यौपानेलाई कोरोना संक्रमण भएपछि प्रहरीको उच्च तहको बढुवा प्रभावित भएको छ ।

    यही हप्ता प्रहरी नायब महानिरीक्षक(डिआइजी)को बढुवा गर्ने गृह मन्त्रालयको तयारी थियो । एआइजी, डिआइजी र एसएसपी बढुवाको सिफारिस समितिको अध्यक्ष गृह सचिव हुन्छन् ।

    सचिव न्यौपानेलाई बिहीबार कोरोना संक्रमण पुष्टि भएको हो । उनी केही दिनअघि तराई घुमेर आएका थिए । स्वास्थ्य अवस्था सामान्य रहेको र उनी घरमै आइसोलेसनमा बसेका छन् । सचिव आइसोलेसनमा बस्नुपर्ने भएपछि बढुवा सिफारिस समितिको बैठक बस्न नसक्ने भएकाले बढुवा प्रक्रिया केही साता लम्बिने भएको छ ।

    हाल डिआइजीको नौ पद रिक्त छन् । जसमा २५ भन्दा धेरै एसएसपी प्रतिस्पर्धामा छन् । सन्दीप भण्डारीको ब्याचका एसएसपीहरु समेत बढुवाको दौडधुपमा छन् ।

    उता सचिव न्यौपानेलाई संक्रमण भएपछि नेपाल प्रहरीका महानिरीक्षक शैलेश थापा, सशस्त्र प्रहरीका शैलेन्द्र खनाल र राष्ट्रिय अनुसन्धान विभागका प्रमुख गणेश अधिकारी पनि ट्रेसिङमा परेका छन् । तीनै जनालाई लिएर न्यौपाने तराईका निरीक्षण भ्रमणमा गएका थिए ।

    सम्बन्धित समाचार